Guddiga QM ugu qaabilsan Kormeerka Cunaqabataynta Hubka ee saaran dalalka Somalia iyo Eritrea ee “The Monitoring Group on Somalia and Eritrea†waxay soo saareen Warbixin dheer oo ay kaga hadleen Arrimo badan iyo Dhaliilaha ka jira Dhinacayda Hay’addaha Dowladda Federalka,Kala-qeybsanaanta Xildhibaanadda Barlamaanka Federalka, Heshiisyadda ay Dowladda Federalka iyo kuwa Dowlad-gobaledyadda la galaan Shirkadaha Calaamiga ee Shidaalka iyo Gaaska, Dhoofinta Dhuxusha, Kalluumeysiga Sharc-darradda Dhaqdhaqaaqyadda Alshabaab ka wadaan dalalka Gobalka iyo Hubka Dowladda ee lagu iibiyo Bakaaraha.
Warbixinta waxa kaloo lagu soo bandhigay Musuqa wel ka dhex jira Hay’addaha Dowladda Federalka iyo Calawsanaanta Nidaamka Maaliyadda iyo Bangi Dhexe ee Somalia.
Warbixinta Guddiga QM waxaa si aad ah looga muujiyey Walaaca ay ka qabaan Siyaasiyiinta Dowladda Dhexe iyo kuwa Goballadda ee faraha kula jira Carqaladaynta Nabadda iyo Deganaanshaha Somalia, waa sida Warbixinta lagu xusay.
Warbixinta waxaa si guud loogu muujiyey inay Shabakado Qas-wadayaal ka jiraan Somalia (Spoilers Networks in Somalia) iyo inay Xildhibaanadda Barlamaanka u kala qeybsan yihiin Labo Kooxood oo kala ah: Dam Jadiid oo taabasan Madaxweynaha iyo Kooxda Ala-sheekh ee Mucaarad ah.
Guddiga QM ugu qaabilsan Kormeerka Cunaqabataynta Hubka ee saaran dalalka Somalia iyo Eritrea ee “The Monitoring Group on Somalia and Eritrea†waxay kaloo Warbixintooda ku sheegeen inay Xildhibaanadda Barlamaanka ku caan baxeen marka Barlamaanka la hor keeno Mooshinadda, siiba kuwa ka dhanka ah Ra’isul-wasaarayaasha inay Codkooda iibsadaan “Vote for Cashâ€.
Guddiga QM ugu qaabilsan Kormeerka Cunaqabataynta Hubka ee saaran dalalka Somalia iyo Eritrea ee “The Monitoring Group on Somalia and Eritrea†waxay sheegeen in loo baahan yahay inay Xildhibaanadda Barlamaanka Federalka Somalia noqdaan kuwa ilaaliya Dhaqan-celinta Sharciga.
© Radio Dalsan
