Hadal ka soo baxay Boliska Kenya ayaa la sheegay inay gacanta ku dhigeen dhowr qof oo Kenyaan la sheegay inay gacan-saar la leeyihiin Xarakadda Alshabaab, isla markaana ka dambeeyeen falal lagu dilay dad wararka u geeya Boliska Kenya.
Taliyaha Boliska Gobalka Mombaasa, Henry Ondiek ayaa sheegay in labad qof ee la soo qabtay uu ka mid yahay Luqmaan Mohamed Khatiib oo uu ku tilmaamay Hoggaamiye muhiim u ah Xarakadda Alshabaab, waa sida uu hadalka u dhigay.
Waxa uu intaasi ku daray inuu Luqmaan Mohamed Khatiib lala qabtay nin kale oo lagu tilmaamay inuu ahaa qof ay Boliska Kenya aad u baadi-goobayeen.
Luqmaan Mohamed Khatiib oo lala xiriiriyo Dagaalamayaasha Jaysh Ayman ee Alshabaab ayaa waxaa lagu qabtay Xaafadda Mapuka ee Mombasa.
Waxaa la sheegay inuu la dagaalamay ciiddankii qabtay, oo uu hal Askari ka dhaawacay.
Saraakiil ka socotay Saldhigga Boliska Makupa ayaa la sheegay inay rasaas fureen, xilligii la qabanayey Raggaasi.
Dhinaca kale, Waxay Boliska horey u xireen nin la dhashay Luqmaan Mohamed Khatiib oo lagu magacaabo Kayuni Mohamed Khatiib, kaasi oo lagu hayo Xabsiga Shimo la Tewa prison ee magaalladda Mombasa.
© Radio Dalsan