Eedeysane Mohamoud Abdiweli Diriye ayaa isku dhiibay Boliska magaalladda Toronto, oo iyagu horey u amray in la qabto labo EedeysaneSomali ah oo lagu tuhunsan yahay inay dileen Marxuum la oran jirey Kabil Abdulkadir.
Eedeysanaha oo 25 jir ah ayaa waxa uu shalay ka soo muuqday Maxkamad ku taalla Toronto, waxayna Xeer-beegtida amreen in Xabsiga lagu sii hayo ilaa bisha soo socota ee September 2-da.
Waxaana Eedeysanaha lala xiriirinayaa inuu ku lug lahaa fal bishan August 9-dii lagu dilay Marxuum la oran jirey Kabil Abdulkadir oo 27-jir ahaa.
Ilo dhinaca Boliska ayaa sheegay inay Eedeysanaha walaalo ahaayeen Mohamed Abdiweli Diriye oo isaga bilowgii bishii July lagu dilay dhismo ku yaalla magaalladda Toronto.
Boliska waxay kaloo sheegeen inay Kaamerooyinka Qarsoon ee CCTVÂ laga arkay iyadoo uu Eedeysane Mohamoud Abdiweli Diriye yimid goobta uu dilku ka dhacay, kadibna ku baxsaday gaari
Dhinaca kale, Boliska magaalladda Toronto waxay weli baadi-goobayaan Eedeysane kale oo lagu magacaabo Hassan Abdulle oo 25 jir, kaasi oo loo haysto 8 fal-dembiyeed oo ay ku jirto Toogasho.
Boliska waxay uga digeen dadweynaha inuu Eedeysanahaasu khatar yahay, isla markaana hubeysan yahay.
Maalintii Arbacadda ee la soo dhaafay, Boliska Toronto waxay qabteen Eedeysane kale oo lagu magacaabo Abdullahi Ali Farah oo 20-jir, kaasi oo lagu soo oogay dacwad dil ah.
Inra badan Dhallinyarradda Soomaalida ku nool dalka Kanada ayaa la sheegay inay yihiin kuwo qeyb ka ah Kooxaha Gangesteradda ee iibiya, isla markaana isticmaala Daroogadda Khatarta ah, waxayna is-dilaan marka ay isticmaalaan Daroogooyinka.
© Radio Dalsan