Madaxa Hay’adda QM ugu qaabilsan Arrimaha Qaxootiga (UNHCR), Antonio Guterres ayaa soo dhaweeyey Go’aanka wadajirka ee ay Dowladdaha Britain iyo Faransiiska ka gaareen xaalladda Qaxootiga ku xayiran Degmadda Kalays ee dalka Faranisika.
Antonio Guterres waxa uu sheegay in loo baahan yahay in qorshe loo helo Qaxootiga, si ay u helaan Badbaado, loogana hortago kooxaha Tahriibka.
“Inta badan Qaxootiga ku dhibaataysan Degmadda Kalays ee Faransiiska waxay u baahan yihiin Badbaadin Caalami ah, kuwaasi oo ka kala yimid Somalia, Sudan, Syria, Afganistan iyo Eritrea†ayuu yiri Madaxa Hay’adda UNHCR, wuxuuna intaasi ku daray inay si dhow ula shaqeyn doonaan Dowladda Faransiiska iyo Britain six al loogu helo Qaxootigaasi.
Dhinaca kale, Hay’adda Caalamiga ee Socdaalka (IOM) ayaa soo bandhigtay tiradda Qaxxootiga sannadkan ka gudubtay Badda Mediterranean Sea ee gaaray dalalka Europe.
Tiro-koobka ayaa lagu sheegay inay 255,152 Qaxooti dhinaca badda ka galeen dalalka Europe, gaar ahaan Talyaaniga, Malta, Spain iyo Greece.
Warbixinta Hay’adda IOM ayaa lagu sheegay in ka badan 2,300 Tahriibayaal ah naftooda ku waayeen safar-baddeedkaasi ee sannadkan, halka ay 1,800 Tahriibayaal ku haften baddaasi sannadkii hore.
Inta badan Tahriibayaasha ayaa waxay ka kala yimaadaan dalalka Somalia, Sudan, Eritrea, Syria, Iraq, Mali, Senegal, Ivory Coast, Gini, Gambia, Pakistan iyo Afganistan.
Â
© Radio Dalsan