Ilo lagu kalsoonaan karo ayaa waxay sheegayaan in Ninkii fuliyey Qaraxaasi lagu magacaabi jirey C/risaaq Muuse Buux, kaasi oo ka tirsanaa Xarakadda Alshabaab.
Ninkaasi ayaa la sheegay inuu ku dhashay caasimadda dalka Libya ee Tripoli, isla markaana uu muddo ku kala noolaa dalalka Masar, Jarmalka iyo magaalladda Borama ee Gobalka Awdal ee W/galbeed Somalia.
Xogaha hordhaca ayaa waxay sheegayaan inuu C/risaaq Muuse Buux oo haysta Dhalashadda dalka Jarmalka uu sannooyinkii ugu dambeeyey ku noolaa magaalladda Boon ee dalka Jarmalka.
Waxa uu dalka Somalia ku soo laabtay horaantII sannadkii 2012-kii, isagoo ku biiray Dagaalamayaasha Alshabaab ee dagaalladda kula jira Ciiddanka Dowladda Federalka iyo kuwa Hawlgalka AMISOM.
Falkii Is-qarxinta ee uu geystay ninka haysta dhalashadda dalka Jarmalka, waxaa ku geeriyootay Tobaneeyo qof oo u badnaa dad rayid ahaa.
Wararka Xog-ogaalka ayaa waxay sheegayaan inay Sirdoonka Somalia iyo kuwa Caalamiga ku hawlan yihiin dhamaystirka baaritaanka la xiriira Qaraxaasi.
Warbaahinta dalka Jarmalka, ayaa xaqiijiyey inuu ninkaasi ku noolaan jirey magaalladda labaad ee ugu weyn dalkaasi ee Boon.