Gaari qiimihiisu dhanyahay 1.5 million oo Dollar ayaa la sheegay in Madaxweynaha Maraykanka, Barack Obama lagu kaaxayn doono muddadauu boqanayo dalka Kenya.
Madaxweyna Obama oo fiidnimaddii xalay booqasho labo maalmood ku tegay caaimadda dalka Kenya ee Nairobi ayaa ka qeyb geli doono Shir-sannadeedka Ganacsiga Xorta ee Caalamka.
Richard Tutah oo Khabiir dhinaca Ammaanka iyo Argagixisadda oo ku sugan Nairobi ayaa ka digay inay Dagaalamayaasha Alshabaab geysan doonaan weeraro muddada uu Madaxweyne Obama ku sugan yahay Nairobi.
Isagoo la hadlayey Wakaalladda Wararka Faransiiska ee AFP ayaa sheegay inuu Madaxweynaha Maraykanka oo qiimo sare leh haddii ay Alshabaab weeraraan ama ay isku daayaan weerarkaasi inay taasi kor u qaadayso Mustawaha Alshabaab ee Caalamka, waa sida uu hadalka u yiri Khabiirkaasi.
Dagaalamayaasha Alshabaab, gaar ahaan Jeysh Ayman ayaa ku sugan gudaha dalka Kenya, kuwaasi oo hawlgallo la beegsada Ciiddanka Kenya ee ku sugan Gobalka W/bari Kenya.
Dhinaca kale, ammaaankaa Madaxweyne Obama ayaa waxaa ka qeyb galayo 10,000 oo Saraakiisha Boliska Kenya, waxaana la xiray inta badan Waddooyinka ku yaalla faras-magaallaha Nairobi.
Dowladda Kenya waxay bilicda Nairobi ee booqashadda Obama ku bixinaysaa lacag dhan 500,000 oo Dollar, waxayna kiresyatay in ka badan 500 dhallinyarro oo nadiifa waddooyinka iyo kuwo waraabiya dhirta ku taalla dhinacyadda Waddooyinka.