Wasaaradda Warfaafinta,Dhaqanka iyo Dalxiiska Soomaaliya ayaa ku qabatay Magaaladda Jowhar ee Xarunta Gobolka Shabeeladda Dhexe barnaamij lagu soo bandhigay Hiddaha iyo Dhaqanka Soomaaliya waxana hal ku dhig looga dhigay ( Ciid Mubaarak).
Barnaamijkas waxa ka soo qeybgalay dad ka badan 700 oo qof oo ka kala yimid Dhinacyada kala duwan ee Bulshadda ku nool Gobolka Shabeeladda Dhexe iyadda oo lagu qabtay Xarunta Xiriirka Shaqaalaha Ee Jowhar.
Masuuliyiin ka socotay Maamulka Gobolka Shabeeladda Dhexe,Magaaladda Jowhar  iyo xubno kale oo ka socday Dowlada Soomaaliya iyo ururada Bulshadda Rayidka ayaa ka qeybgalay Barnaamijkasi oo lagu soo bandhigay Ciyaaraha Hiddaha iyo Dhaqanka Soomaalida.
Gudoomiye ku xigeenka Arrimaha Bulshadda Gobolka Maxamed Sugaal,Gudoomiye ku xigeenka Jowhar Xasan barrow Bocor, iyo Gudoomiye ku xigeenada Arrimaha Haweenka ee Gobolka iyo kan Magaaladda Jowhar Maryan Maxamed Kuulow iyo Madiino Cadow Colow ayaa sido kale martida kamid ahaa.
Waxa ciyaaraha soo bandhigayay Lix koox oo kamid ah kuwa loogu jecel yahay Magaaladda Jowhar waxa ayna dadka u ciyaareen Ciyaaro ay kamid yihiin:-
-Welisaqo
-Kabeebey
-Baarey
-Seddexley
-Waalo
Iyo Sirowga.
Madax badan oo halkasi hadalo ka jeediyay ayaa ku aamanay Wasaaradda Warfaafinta Soomaaliya  iney ku qabtaan Magaalada Jowhar Barnaamij sarre loogu qaadayo soo noleynta Dhaqanka iyo suugaanta Soomaaliya.
