Waxaa lagu wadaa in maalinta Sabtida ee soo socota dib loo furo Dhismaha Ganacsiga ee Westgate ee magaalladda Nairobi, oo ay Dagaalamayaasha Alshabaab labo sanno ka hor weeraeeen, laguna dilay 67 qof.
Shirkad lagu magacaabo IRG oo laga leeyahay Yuhuudda ayaa lagu siiyey Qandaraaska Ammaanka Dhismaha Guud ee Westgate.
Shaqaale ka tirsan Shirkadaasai ayaa u sheegay Wakaalladda Wararka ee REUTERS inay Ammaanka Westgate loo xil-saaray 25 Khubaro Ammaanka iyo ku-dhawaad 55 Ilaalo ka socda Shirkadda Ammaanka ee G45.
Qalab casri oo looga hortago qaraxyadda, lagunabaarayo gaadiidka, shandadaha iyo dadka ayaana loo sameeyey Dhismaha Westgate.
Waxaa kaloo loo sameeyey Taawer dheer oo aysan xabbaduhu Karin oo loogu talagalay in laga ilaaleeyo Dhismaha oo lagu rakibay Kamirooyinka Qarsoon ee CCTV.
Guddoomiyaha Nairobi, Evans Kidero ayaa sheegay in weerarkii September ee sannadkii 2013-kii ahaa mid ka mid ah Maalmaha Murugada ee Taariikhda dalka Kenya.
Dagaalamayaasha Alshabaab ayaa weeraray Dhismaha Westgate bishii September ee sannadkii 2013-kii, waxayna ka dhex dagaalamayeen muddo dhowr maalmood ah.
Iska horimaadyaddii Alshabaab iyo Ciiddanka Ammaanka ku dhex maray gudaha Westgate, waxaa ku geeriyootay 67 qof.
© Radio Dalsan
