La-taliyaha Hay’adda Baddaha ee magaalladda Mombasa ee dalka Kenya,
ayaa u sheegay Wargeyska ka faallooda Arrimaha Baddaha ee HIS Maritime inay ka walaacsan yihiin qorshe la’aan Dhaqan-celinta ee Burcad-baddeeda Soomaalida ee dhawaan laga sii daayey Xabsiga magaalladda Mombasa.
Mwinyi Jahazi ayaa sheegay in ay ka cabsi qabaan inay Burcad-baddeedaasi mustaqbalka dhow dib ugu laabtaan Badda, si ay u qafaashaan Maraakiib.
Waxa uu intaasi ku daray in Burcad-baddeeda ku adag tahay inay hawlgab ka noqdaan Hawlgalkaasi, maadaama lagu leeyahay kharajyo dayn ah.
Burcad-baddeeda ayaa la sheegay inay haatan raadinayaan shaqooyin ay macaash ka heli karaamn, waxayna badankooda doonayaan inay ilaalo hubeysan ka noqdaan Doonyaha Kalluumeysiga ee sida sharci-darradda uga kallumeysta Badda Somalia.
Kalluumeystadda Maxaliga ayaa sheegay inay jiraan in Burcad-baddeeda ku biirayaan Kooxha Ilaaladda Khaaska ee inta badan gacansaarka la leh Hoggaamiyayaasha Burcad-baddeeda iyo Ganacstadda ka hawgasha dalalka Imaaraadka, Kenya, Oman, Iran, Yemen iyo Maamul-gobaleedydda Puntland iyo Somaliland.
Qeylo-dhaantaai ayaa imaanayso iyadoo shaki laga qabo shaqada ay ku hawl geli doonaan Burcad-baddeedii Soomaalida laga sii daayey Xabsiga Shimo La Tewa ee magaalladda Mombasa.
64 Burcad-baddeed ayaa dhawaan la sii daayey, laguna celiyey Somalia, iyadoo 14 kalena lagu wado in bisha soo socoto la sii daayo, lagua celiyo dalkooda hooyo.
Haatan Xabsiga Shimo La Tewa ee Mombasa waxaa ku xiran 150 Burcad-baddeed, kuwaasi oo ay Maxkamadaha Kenya horey u xukumeen.
© Radio Dalsan
