Shilka gaari oo ahaa mid aad khasaare u geestay ayaa ka dhacay deegaanka Turaaq ee gobolka sool.
Gaariga shilka galay ayaa nuuciisa ahaa baabuurta loo yaqaano Bagaazaha ee ay isticmaalaan ciidanka,islamarkaana lagu rakibo qoryaha lidka diyaaraha ah ee Zooga.
Khasaaraha shilkaasi ayaa lagu sheegay in ay ku geeriyoodeen in ka badan 10 Askari,halka 15 kalena ay ku dhaawacmeen ciidamadda ayaa ahaa kuwa Maamulka Puntland.
Madaxweynaha Maamulka Puntland C/Wali Maxamed Cali Gaas ayaa durba booqday cisbitaalka lagu dabiibayo ciidamadda dhaawaca waxaana dhanka kale uu Tacsi u diray ehelkii ay ka baxeen askarta maanta ku geeriyootay shilka gaari.
Dhacdadan ayaa ah mid ay aad uga naxeen shacabka reer puntland taas oo ay ku tilmaameen musiibo.
Dhinaca kale xaalada caafimaad ee askarta dhaawaca ayaa la shaaciyay in ay aad u daran tahay oo qaar kamida askartaasi ay laamaha caafimaadka shaaciyeen in dalka waxba looga qaban karin.
Ciidamadda shilka ku le’day ayaa dhawaan tababar loogu soo xeray xerada tababarak ciidamada Puntland ee ku taal Deeganka Bixin Gobolka Mudug.