Bisad loogu magac daray Sprinles ayaa la hadal hayaa inay noqon karto bisadda ugu culus dalka Maraykanka.
Bisadda waxaa haatan lagu hayaa daryeel caafimaad si loola dagaalamo cayilnaanta saa’idka ah.
Bisadaha caadiga ayaa la sheegay inuu culeyskeeda u dhexeeyo 11 ilaa 13 Pounds, laakiinse Bisadda Sprinkles ayaa waxa uu culeyskeedu dhan yahay 32 Pounds, waxayna ku miisaan tahay wiil afar sanno jir ah.
Bisadaasi Sprinkles ayaa waxaa haatan ka soo kabanaysaa cayilnaanta, iyadoo ay baxnaaniso shaqaale ka tirsan SOS Sea Isle City Cats in New Jersey ee dalka Maraykanka.
Bisaddan waxaa markii hore laga helay guri xiran, ka hor inta aan loo soo qaadin goobta hoyga u ah Xayawaanaadka ee New Jersey animal shelter.
Jones Olandt oo ah mutadawacad isku xil-qaantay daryeelka Xayawaanaadka ayaa sheegtay inay dhibaato ku qabto sidii ay u qaadi lahayd bisadda Sprinkles.
“Ma garanayno milkiilaha leh bisaddan†ayey tiri Jona Olandt oo intaasi ku dartay inaysan Milkiilayaasha aqoonin sida loo daryeelo bisadda.
Xigasho: Mirror
© Warqabadka Dalsan Radio
