Eedeysanahaasi oo lagu magacaabo Mohamed Hussien Saciid oo 27-jir ah ayaa sheegay inuusan gelin dacwadaha lagu soo oogay ee ahaa inuu Lacago u xawilay, isla markaana uu dad u qoray Dagaalamayaasha Alshabaab iyo Alqaacida iyo Jabhadda Alnusra Front.
Hadal ka soo baxay Waaxda Socdaalka Mraykanka, ayaa lagu sheegay in Eedeysanahaasi lagu helay inuu qalab iyo dad ku taageeray Kooxo loogu yeeray Argagixiso.
Eedeysanaha Mohamed Hussien Saciid, Waxaa kaloo lala soo taagay Maxkamadda nin lagu magacaabo Gufraan Ahmed Mohamed oo haysta Dhalashadda dalka Maraykanka balse deggan dalka Sacuudiga.
Baarayaasha FBI-da ayaa la sheegay inay Gufraan Agmned Mohamed ka so oqabteen dalka Sacuudiga oo uu degganaa, waxayna u soo duuliyeen magaalladda Miami ee Gobalka Florida.
Labada Eedeysane oo si wadajir ah looga soo qabtay dalka Sacuudiga sannadkii hore ayaa lagu soo oogay 15 fal-dembiyeed.
Eedeysanayaasha waxaa la sheegay inay Dagaalyahanno ka kala yimid Britain iyo dalal kale ku tashkiiliyeen inay ku biiraan Dagaalamayaasha Alshabaab ee dagaalka kala soo horjeeda Ciiddanka Dowladda Federalka Somalia iyo Ciiddanka Hawlgalka AMISOM.
Wargeyska The Miami Herald ayaa bilowgii sanandkan qoray in   Gufraan Ahmed Mohamed iyo Mohamed Hussien Saciid, inay taageereen Alqaacida iyo Alnusra Front, isla markaana ay dad u direen dalka Syria si ay uga barbar dagaalamayaan Jihadistayaasha Caalamiga.
Labada Eedeysane ayaa la sheegay in dacwadooda mar kale la qaadi doono bisha August 14-da ee sannadkan, waxaana la hadal hayaa in ay muteysan karaan ugu yaraan min 15-sanno oo xabsi ah.
© Warqabadka Dalsan Radio
