Ciiddanka Boliska Kenya ee La-dagaalanka waxa loogu yeero Argagixisadda ayaa sheegay inay gacanta ku hayaan Nin lagu magacaabo Saciid Amiin Maruuk, oo uu dhalay  Sarkaal Sare oo ka tirsanaa Boliska Mandheera oo shil gaari ku geeriyooday bishii Feberaayo 17-dii ee sannadkan.
Hadal ka soo baxay Boliska ayaa lagu sheegay in Saciid Amiin Maruuk oo 21-jir ah uu xubin ka yahay Xarakadda Alshabaab, iyadoo ay Boliska baarayaan Mobaylkiisa iyo Dukumentiyo uu si khaas u lahaa.
Ninkaasi lagu magacaabo Saciid Amiin Maruuk oo ka soo jeeda Qabiilka Turkaanaha ee Kenya ayaa noqonayo Ninkii Labaad ee uu dhalay Mas’uul ka tirsan Maamulka Kenya oo xubin ka ahaa Alshabaab.
Mid ka mid ah Dagaalamayaashii Alshabaab ee bishan April 2-dii weeraray Jamaacadda Garissa oo lagu magacaabi jirey Abdiraxiim Abdullahi Mohamed ayaa la sheegay inuu Aabihiisa caaqil ka ahaa Deegaan hoos taga Mandheera.