Markabka GREGORETTI oo ay leeyihiin Ilaaladda Xeebaha Talyaaniga ayaa Waaberigii hore ee saakayto maydadka 24 Tahriibayaal ah ku wareejiyey Ilaaladda Xeebaha ee Jesiiradda Malta, si loogu aaso Xeebta.
Markabka waxa kaloo uu 28 qof oo ka badbaaday doonta degtay u gudbisay magaalladda Kataniya ee  Jesiiradda Sishiliya.
Mid ka mid ah dadka ka badbaaday shilkaasi oo u dhashay dalka Bangaladesh ayaa sheegay inay 950 Tahriibayaal ah la socdeen doonidii shalay ku degtay meel ka baxsan Badda Libya.
Waxaa la rumeysan yahay in ka badan 900 Tahriibayaal u badan Somali iyo Eriterian la socdeen doonidaasi degtay, waxaana inta badan Tahriibayaasha lagu xiray qeybta hoose ee Doonida ay la socdeen.
Dhinaca kale, Wasiiradda Arrimaha Dibedda iyo Gudaha ee 28-ka dal ee  ku mideysan EU-da ayaa lagu wadaa inay galabta abaaraha 03:00 galabnimo  kulan degdeg ah ku yeeshaan dalka Luxenberg.
Madaxa EU-da ee Arrimaha Gudaha, Dimitiris Afaramapolus ayaa sheegay in Kulankaasi looga hadli doono sidii xal loogu heli lahaa Tahriibayaasha ku le’anayo Baddaha.
Hay’adda Caalamiga ee Muhaajiriint ee IOM, ayaa ugu baaqday Dowladaha EU-da inay tageeraan Hawlgalka Talyaaniga ee loogu gurmanayo Thariibayaasha ee MARE NOSTRUM, inkastoo Hawlgalkaasi dhaqaale la’aan loo joojiyey sannadkii hore.
Dowladda Talyaaniga waxay ku baaqday in laga taageero Hawlgalkaasi oo ay bishiiba lagu kharaj gareeyo  9 million oo Euro una dhiganta 9.7 million oo Dollar.
