Maraaakiibta Ilaaladda Xeebaha Talyaaniga iyo kuwa Ganacsiga ayaa la sheegay inay 24-kii saacadood ee  la soo dhaafay soo badbaadiyeen Ku-dhawaad Kun Tahriibayaal oo la socotay saddex dooni oo aad loo buux dhaafshay.
Hadal ka soo baxay Ilaaladda Xeebaha Talyaaniga ayaa lagu sheegay inay Tahriibayaasha u soo direen Qeylo-dhaan iyagoo adeegsanaya Telefoonadda Toraayaha, waxayna codsadeen in lo osoo gurmado.
Tahriibayaasha ayaa la soo badbaadiyey, waxaana si nabad ah loo gaarsiiyey Dekedda Sishiliya.
Maydka hal qof ayaa laga helay mid ka mid ah doonyahaasi oo ka soo shiraacday Xeebaha dalka Yemen.
Hawlgalka shalay lagu soo badbaadiyey Qaxootigaas waxaa ka qeyb galay saddex maraakiibta dagaalka ee Talyaaniga iyo saddex maraakiibta Ganacsiga.
Gurmadka ayaa waxa uu ka dhacay meel 30-mayl ka baxsan Xeebaha dalka Libya.
Toddobaadkii la soo dhaafay, ku-dhawaad 1,500 oo Tahriibayaal ah oo la socday shan dooni ayey Ilaaladda Xeebaha Talyaaniga soo badbaadiyeen.
Ugu yaraan 480 Tahriiobayaal ayaa ku geeriyootay Badda ka baxsan Talyaaniga saddexdii bilood ee la soo dhaafay.
Dhinaca kale, ku-dhawaad 3,500 oo Tahriibayaal ayaa la sheegay inay sannadkii hore ku hafteen Badda, iyadoo in ka badan 170-kun oo kalena ay si nabad ah ku soo gaareen Xeebaha Talyaaniga.