Bulshada ka tagay bariga Qaaradan Africa, sida Soomaalida, oo kulan iskugu yimid Magalada Minneapolis, ee dalka Mareykanka ayaa waxaa ay ka wada hadlen arimo ay ka mid yihiin ka hortagida sida dhalinyaradooda ay ugu biirin islaamiyiinta ka dagaalama wadamada Soomaaliya, Suriya iyo Iraaq.
Waa markii ugu horeysay oo bulshada soomaalida ee dalka Mareyakan ay kulan heerkaan oo kale ay iskugu yimaadaan sida ay ugu hadlaan qatarta kasoo yeertay Al Shabab, kaas oo ahaa in ay weerari doonaan dalkasi.
Kulanka Hogaamiyaasha Soomaalida iyo kuwa muslimiinta Mareykanka, ayaa waxaa xooga lagu saaray sida loogu hortagi karo in dhalinyarada Soomaali-Americanka ay ugu mid noqon Al Shabab, waxaana dowlada Mareykanka ay ka dalbadeen in ay kala shaqeyaan.
Xogahayaha arimaha gudaha dalkaasi Jay Johson, ayaa markii ay fariinta Al Shabab soo baxday ku shegay in hanjabaada ay si dhab ah uqaadan doonaan.
Xarakada Al Shabab ayaa waxaa ay sheegeen in ay weerari doonaan xaruumaha Ganacsida dalalka Mareykanka, Canada iyo Ingiriisska.
Ilaa daraasiyiin Soomaali-American ah ayaa waxaa sanadkii 2014 ay usafreen wadamada Suriya iyo Iraaq si ay ugu biiran kooxda Dowlada Islamica.