Warar ka Inaga soo Gaaraya degaanka Garso ee Dhaca Bariga Wajer ayaa Waxaa ay sheegayaan in aroornimadii Hore ee saaka oo Jimco ah ay koox hubeysan ay ka Geysatay Weerar Qasaare Nafeed Dhaliyay.
Weerarkaan oo ka Dhacay iskuulka Hoose ee Qarsa ayaa Waxaa Lagu dilay Sadex Macalin oo ka soo Jeeda Gobolada Kale ee Kenya halka Mid ka Mid ah uu Dhaawac ka soo Gaaray weerar kaasi.
Taliyaha Ciidamada police-ka ee ismaamulka Wajer ee Gobolka Waqooyi bari ee Kenya Mr Stephen Ng’etich oo la Hadlay Warbaahinta Gudaha ayaa waxaa uu sheegay in ciidamo badan ay u Direen Goobta uu Falkaasi ka Dhacay.
Dhanka Kale Taliyaha Ciidamada Maamulka ee ee Loo Yaqaan Ap-da u Qaabilsan ismaamulka Wajer Mr Mohamed Sheikh ayaa Sheegay in Dableyda Weerarkaasi ka Danbeysay ay adeegsadeen adeegsanyeen aaladaha kale ee qarxa.
Sargaalkaan ayaa Waxaa uu intaa raaciyay in Gaari ay wateen ciidamada police-ka oo ka jawabayay weerarkaasi ay qarax miino lala beegsaday Balse uusan Jirin askari ku waxyeeloobay isku daygaasi.
Weerarkaan saaka oo Jimco ah Lagu Dilay Macalimiinta Wax dhigta ismaamulka Wajer ayaa Waxaa uu ku soo aadayaa saacado uun ka dib Markii Maalinimadii shalay laba askari oo ka Tirsan ciidamada Milatariga Kenya Lagu dilay iska Hor imaad Kala shaki ku saleysnaa uu ku Dhexmaray iyaga iyo ciidamo ka Tirsan kuwa Maamulka ee Loo Yaqaan Ap-da oo ka Dhacay Degaanka Sheikh Barrow ee ismaamulka Mandera.